LNB-Conferencia bezouqueira

Inscrición na liga 2011-2012. Tod@s a billar!!

2011-11-25T08:23:00.001+01:00

<p><p>Carregando...</p></p>

Ábrense as inscricións da Conferencia bezouqueira de billa (CBB) ata o mércores 30 de novembro

Publicarase neste blog a lista provisoria de persoas inscritas o 1 de nadal

Para decidir o horario fixo das xornadas envíanos un correo a "lnbezouqueira arrouba gmail punto com" e indica a túa preferencia: mañá 10.30 h tarde 19 h // sábado ou domingo

Anímate! Este ano hai Super-premios LNB para os gañadores da xornada, quen queira velos están a exposición no "Mesón-Restaurante A Lareira". Saúde e Billa!!

O 16 de xullo ás 17.30h III Abertiño Ártabro de Billarda

2011-07-15T16:57:00.000+02:00

Bezoucos.- Non perdades o novo evento na banda de Narón. No Festival da Terra e da Lingua terá lugar un ano máis este miniaberto do verá mariñá. Apertade as cinchas que veñen as billas! E a música que xa comeza hoxe. Adiante co aberto!!

Máis info: http://festivaldaterraedalingua2011.blogspot.com/p/programa.html

Como chegar: http://festivaldaterraedalingua2011.blogspot.com/p/como-chegar.html

Chegan os Abertos do verán: O Pote e Festifolk

2011-06-02T20:11:00.000+02:00

Bezoucos. Achégase o bon tempo e comezamos a achegarnos ós abertos de billa do verán. A primeira estrea será en Maniños, na churrascada que organiza a comisión de festas da parroquia fenesa. Unha oportunidade para achegarnos ó Pote e gozar das súas excelentes instalacións para practicar o noso deporte favorito.
O espazo xa coñecido polos afeccionados e palanadores localízase na pista da Sociedade O Pote de Maniños. A partir das 17.00 h, logo dunha churrascada antolóxica haberá billas polo aire nas terras bezouqueiras!
Ademais, o vindeiro 18 de xuño teremos na pista do Casino un novo Aberto do Festifolk! Máis novas nas vindeiras datas.

Clasificacións para as finais de Conxo

2011-05-27T10:44:00.000+02:00

Bezoucos.- As clasificacións para participar en Conxo son a seguintes
Individual: Xan, Pablo Louzao, Fran Anido, David, Serxio, Xosé Manuel, Manel, Ramón, Cheiw, Mon, Cristian, Iago. Reservas: Nelson e Miro.
Feminina: Bea, Ana Carballeira, Inés.
Varados: Daniel Saavedra, Kiko Allegue Lopez, Doce, Iván e Xan.
Equipos: Bateas e Festifolk

7ª Xornada o 24 de abril no na SCRD de San Xoán

2011-04-19T12:17:00.000+02:00

Bezoucos. Achégase a última xeira da liga de billa na comarca do Eume prevista para o vindeiro domingo 24 de abril de 2011.
Con auga á vista teremos abertas as opcións para ir ao enxoito no pavillón do Cristo. Xa di o refrán: abril quente e mollado, carga o carro e enche o gado.
O espazo xa coñecido localízase na pista da Sociedade mugardesa de San Xoán. A pista do Casino recibirá a chegada dos palanadores/as de todos os puntos da terra a partir das 11.00 h, momento en que se abrirá o prazo de inscrición na pista e comezará a xornada oficial ás 12.00 h. A puntualidade sempre presente!

A clasificación para Compostela está desputadísima!!

Atent@s ao blog e non esquenzades preinscribirvos!

Rañón gaña o premio e Dasilva vence en puntos

2011-03-28T23:37:00.000+02:00

Bezoucos. As terras de Ares foron testemuñas da entrada de Rañón, novo palanador dos Roteiros, que gañou a desputada final con Dasilva, compañeiro seu de equipo.

As clasificacións avanzan o dominio dos Bateas que xa gañan o trofeo de equipos e practicamente teñen na súa ma o título de individuais. Están en desputa o segundo posto da xeral individual e mais por equipos, que se decidirán na última xornada o vindeiro 24 de abril. Pola contra as categorías de cativ@s e feminina están abertas á última xornada.

6ª Xornada o 27 de marzo no pavillón do CPI Conde de Fenosa

2011-03-23T19:45:00.001+01:00

Bezoucos. Achégase a semana da sexta e penúltima xeira da liga de billa na comarca do Eume prevista para o vindeiro domingo 27 de marzo de 2011.
Pasadas as coriscadas anteriores iremos ao enxoito, porque marzo marzolo, terbón e raiolo.
O espazo xa coñecido localízase no CPI Conde de Fenosa de Ares. O pavillón do colexio recibirá a chegada dos palanadores/as de todos os puntos da terra a partir das 11.00 h, momento en que se abrirá o prazo de inscrición na pista e comezará a xornada oficial ás 12.00 h. A puntualidade sempre presente!

As opcións de clasificación para Compostela estanse definindo!!

Atent@s ao blog e non esquenzades preinscribirvos!

Aberto das estrelas o 26 de febreiro en Porto (Cabanas)

2011-02-16T17:48:00.003+01:00

Bezoucos. O sábado 26 de febreiro celebrarase o All-Stars da Billa-RDA en Cabanas. O lugar escollido correspóndese coa ampla pista da SCDR de Porto.

A cántiga que presidirá o evento do mundo mundial será a seguinte:

Achégase con tronos e centellas

o Aberto das estrelas.

Se non gustas dos pescuños

has papar os seus rabuños

Antes do antroido empezar

a cachola hai que gañar.

O programa da xornada sería:

Sábado 26 de febreiro SCRD de Porto (Cabanas)

11:30 h>> Concurso de tripas e habilidades

12:30 h>> Concurso de longa distancia

13:00 h>> Concurso de Mates

13:45 h >> Galicola / Sesion vermú con dj bezouqueiro + actuación de Ilegível (durará 10 minutos como moito).

14:45 h >> Xantar de irmandade na Lareira, O Pereiro-Laraxe

16:30>> ABERTO DAS ESTRELAS - BILLA-RDA ALL STARS 2011

PREMIOS HISTÓRICOS

- Campión de triplas e campión de longa distancia: bandexiña de rabos de proco para cada un

- Campión de mates : bandexiña de uñas de porco

- Campión do Abero das estrelas: cachucha de porco

Mañá sábado 12 adestramento na Polideportiva de San Xoán de Piñeiro

2011-02-11T23:10:00.000+01:00

O vindeiro sabado día 12 a partir das 17h adestramento de billa na polideportiva de San Xoan de Piñeiro xunto ao local social. Vai chegando o All Stars...

Gañoulle Saavedra a Casado na V xornada en Ares

2011-02-05T13:25:00.000+01:00

Bezoucos.- O excelente resumo da xornada achegado polo Tele-Varal, coidado coas billas que chega o Estrelas-Total.

5ª Xornada o 30 de xaneiro no pavillón do CPI Conde de Fenosa

2011-01-23T18:50:00.000+01:00

Bezoucos. El estamos a unha semana da quinta xeira da liga de billa na comarca do Eume prevista para o vindeiro domingo 30 de xaneiro de 2011.
Outra coriscada que se aveciña no cabo de mes e iremos ao enxoito.
O espazo escollido localízase no CPI Conde de Fenosa de Ares. O pavillón do colexio recibirá a chegada dos palanadores/as de todos os puntos da terra a partir das 11.00 h, momento en que se abrirá o prazo de inscrición na pista e comezará a xornada oficial ás 12.00 h. A puntualidade sempre presente!

As opcións de clasificación para Compostela están abertas!!

Atent@s ao blog e non esquenzades preinscribirvos!

Un palanador local gañou na IV Xornada

2011-01-22T13:25:00.001+01:00

As terras da Capela foron propicias para que un palanador local se fixese co primeiro posto da competición. Á cuarta foi a vencida e Xosé Manuel acadou o podio na clasificación da IV Xornada da CBB. Isto vai animar aos palanadores locais a prepararse de cara á xornada do día 30 no Conde de Fenosa de Ares. Atentos ás clasificacións porque están ben apertadas.

4ª Xornada o 19 de decembro na Capela

2010-12-14T16:09:00.000+01:00

Bezoucos. E vén chegando a cuarta xeira da liga de billa na comarca de Ferrolterra prevista para o vindeiro domingo 19 de decembro de 2010.
Ante a coriscada que se aveciña no medio deste mes do nadal, desenvolverase ao enxoito: Canto máis se guinda a billa, máis xía.
O espazo escollido localízase no CEIP Mosteiro de Caaveiro da Capela. O pavillón do colexio recibirá coas mas abertas os palanadores/as de todos os puntos da terra a partir das 11.00 h, momento en que se abrirá o prazo de inscrición na pista e comezará a xornada oficial ás 12.00 h. Prégase puntualidade!

As opcións de clasificación para Compostela mudan dunha xornada para outra!!

Atent@s ao blog e non esquenzades preinscribirvos!

Daniel dos Roteiros consegue a vitoria na 3ª Xeira

2010-11-29T19:18:00.002+01:00

Ares.- Con neve a 200 m nos cómaros de Bezoucos mais sen callar, a competición deportiva de palanadores/as na terceira xeira da franquía baixou ás mariñas baixas da terra. A clasificación quedou do seguinte xeito:

CLASIFIC FINAL 3ªX

1º Daniel Roteiros

2º David FestifolkT

3º Xosé Bateas

4º Xan Bateas

O duelo entre Daniel -Norleste- e a nova promesa David -Bezouqueira, despois de eliminar a Xan- levou por pouco o máximo galardón -que se está a preparar na feitoría- a prol do capitán dos Roteiros. Nesta xeira, o mesmo Daniel conseguiu un novo varado, pero seguindo Kiko como primeiro da tempada. Os Rodiños tiveron unha igualada loita polo terceiro e cuarto posto que rematou coa vitoria de Xosé sobre Xan.

A clasificación xeral individual volve dar voltas importantes coa forte gabeada de David de Festifolk Tamén para o terceiro posto desprazando a Ramón de EqA, mentres Xosé Rodiño ameaza o liderado de Xan na cabeza da táboa. Pablo de APC e David de FLT botaron dos seis primeiros clasificados a Luís de Bateas e a Manel Cernadas. Continúa todo nun pano de cara á seguinte xornada.
Na xeral dos equipos deuse unha volta no segundo e terceiro postos ao superar Festifolk a Os Cernadas. Continúa de lider o equipo dos Bateas, pero ollo porque chega un terbón coriscón: Os Roteiros póñense de penúltimos nunha soa xornada.
As clasificacións, grazas á colaboración na preinscición dos palanadores/as e mais á informatización dos procesos con ferramenta feita na LNB xa se puñeron dende o mesmo día no apartado deste blog.
Vídeo das finais
Atentos hoxe a Gz en varados!!

3ª Xornada o 28 de novembro no pavillón do CPI Conde de Fenosa

2010-11-22T10:39:00.002+01:00

Bezoucos. A terceira xeira da liga de billa na comarca de Ferrolterra prevista para o vindeiro domingo 28 de novembro de 2010 desenvolverase ao enxoito ante a meteoroloxía cambiante e adversa deste mes de defuntos. Aplicamos unha vez máis o neorrefrán: Val máis billar por enxoito que por mollado.

O lugar escollido localízase no CPI Conde de Fenosa de Ares. O pavillón do colexio recibirá a chegada dos palanadores/as de todos os puntos da terra a partir das 10.00 h cunha sesión de billascola ata as 11.30 h, momento en que se abrirá o prazo de inscrición na pista e comezará da xornada oficial ás 12.00 h. Prégase puntualidade!

A seguir puntuando na liga as opcións de clasificación para Compostela seguen todas derriba da mesa!!

Atent@s ao blog e non esquenzades preinscribirvos!

Luís de Bateas gaña na segunda xornada da Conferencia Bezouqueira

2010-10-31T21:19:00.003+01:00

Mugardos.- A loita de palanadores/as na segunda xeira da franquía do norte da Coruña deu lugar á seguinte clasificación:

CLASIFIC FINAL 2ªX
1º Luís Bateas
2º Miro
3º Iago
4º Ana L

A final foi un duelo entre Bateas e Os Cernadas e rematou co máximo galardón a prol dos Bateas. Nesta xeira Kiko, do Festifolk, estreou o primeiro varado da tempada coa súa primeira carreira, ao que non se fixo agardar unha resposta de Xosé Rodiño que lle empatou na clasificación de varados minutos despois.

Atención á clasificación xeral individual onde se produciron mudanzas importantes como por exemplo a forte gabeada de Ramón Anido para o terceiro posto, mentres aínda quedan, sen ameazas inmediatas, os irmáns Rodiño na cabeza da táboa. Na xeral dos equipos deuse unha volta no segundo e terceiro postos ao recuperárense Os Cernadas grazas ás boas posicións de Miro e Iago pero seguidos moi de preto polo non menor agapeo do Festifolk, liderado polo palanador Fran Anido.

Atentos entre mañá e o ~~luns~~ martes aos comentarios no programa Gz-Varados de Tele_varal, que podedes ver no lado dereito deste blog (Live). Así mesmo, resultou un orgullo para a nova franquía bezouqueira acoller a retransmisión en vivo e en directo da xeira no pavillón do Cristo de Mugardos para todo o mundo mundial a través da canle Tele_varal na Rede, velaí vai a gravación:

Watch live streaming video from tele_varal at livestream.com

2ª Xornada o 31 de outubro no pavillón do Cristo (Mugardos)

2010-10-27T11:57:00.002+02:00

Bezoucos. A segunda xeira da liga de billa na comarca de Ferrolterra prevista para o vindeiro domingo 31 de outubro de 2010 desenvolverase en cuberto ante as previsións meteorolóxicas que ameazan choivas a fortes choivas. Xa di o neorrefrán: Val máis billar por enxoito que por mollado.

O lugar escollido nas terras do Festifolk localízase na Rúa Cristo s/n de Mugardos. O pavillón do Cristo agardará a chegada dos palanadores/as de todos os puntos da terra a partir das 11.30 h.

Emoción da boa para seguir puntuando na liga nova!!

Atent@s ao blog e non esquenzades inscribirvos e participar!

Prégase puntualidade!

Entrevistas da 1ª xeira na canle Multimedia

2010-10-10T17:17:00.000+02:00

Xa están dispoñibles as entrevistas da 1ª xeira na páxina de Multimedia do blog. Vaise achegando a seguinte xornada e imos quecendo motores...

Paula Vázquez Bezouqueira!!

2010-10-02T11:55:00.000+02:00

De http://ovaral.blogspot.com/

E coa gran intensidade coa que a serpe multicor avanza por tódolos recunchos do planeta atopámonos con inesperados apoios de palanadoras que o foron pero que debecen por voltar a selo, coa gran rede internacional da LNB traballando sen descanso por medio do Varal recibimos a nova que a coñecida presentadora ferrolá, Paula Vazquez, mediante a súa intervención no programa "Mi vista preferida" declara que de nena practicaba a billa na súa casa de Brión xunto co seu irmán, e sen medidas de seguridade case queda sen un ollo. O documento nesta ligazón a partir do minuto 37.
Nun intre no que Paula camiña cara a unha irremediábel mutación Michael Jacknesca é case unha obriga por parte da nova conferencia bezouqueira tentar frear iste proceso mediante a inmediata incursión de Paula coma palanadora ou coma presentadora da referencial emisora RADIO BILLA..... Fame REVOLUTION!!

Crónica da 1ª xornada 2010/2011

2010-09-27T00:07:00.004+02:00

Ás11:30 da mañá comezou a quentar motores a Conferencia Bezouqueira cos máis madrugadores. Pero non sería ata a media hora de cortesía máis tarde cando arrancaba oficialmente a Primeira Xornada da Conferencia Bezouqueira de Ferrolterra, liga 2010/2011.

Na pista da Sociedade de Porto despegaban as primeiras billas a lume de carozo. Un billazo saíu polo fondo anunciaba que as forzas estaban listas para ser medidas no campo. Un total de 24 palanador@s, distribuídos en 7 equipos ghastaban pista e sudaban a camiseta baixo o sol de xustiza do veranciño de San Miguel.

Nenos, maiores, rapazas e..., non xa tan rapaces competiron nos campos de Porto acurtando distancias, nun día para a lembranza. O bon tempo acompañou, e a competición ardeu de entusiasmo, mesmo se habilitaron dúas pistas para axilizar o xogo e xa as billas non deixaron de tocar chan.

O finalistas absolutos da 1ª xornada. Pablo e Xan

Os ánimos dos comentaristas espectantes quentaban o ambiente. A emoción ía medrando a medida que se achegaban as finais entre os irmáns Rodiño e dous campións da terra bezouqueira: Pablo dos Apachaca e Dani do Festifolk-laranxa. Desputada final entre Xan Rodiño e Pablo que repetiron os empates ata unha terceira e última carreira de desempate, nervos e emoción ata o final que deixou como gañador a Xan Rodiño.

Chegou a hora do remate dúas horas despois do comezo de tan grandioso día billa para os anais da billa bezouqueira!

Clasificación da xornada

	Nome
1º	Xan Rodiño	BAT
2º	Pablo L.	APA
3º	Xosé Rodiño	BAT
4º	David	FES

Consultas imprescindibles:

Clasificación

Inscrición Palanadors/Equipos
VÍDEO

1ª Xornada o 26 de setembro na CCRD de Porto (Cabanas)

2010-09-22T15:11:00.001+02:00

Comeza a liga na comarca de Ferrolterra coa primeira xornada prevista para o vindeiro domingo 26 de setembro de 2010 ás 11.30 h.

Boas expectativas para un comezo que tiña que chegar!! Atent@s ao blog e non esquenzades inscribirvos e participar!

Inscrición na liga 2010-2011. Tod@s a participar!!

2010-09-14T22:01:00.006+02:00

Ábrense as inscricións da Conferencia bezouqueira de billa (CBB) ata o mércores 22 de setembro
Publicarase neste blog a lista provisoria de inscrit@s o 23 de setembro
A 1ª xornada establécese para o 26 de setembro pola mañá (lugar por decidir)
7 equipos e 30 xogador@s inscritos para a vindeira tempada!!!

San Xoán, último aberto antes da apertura da primeira tempada en Ferrolterra

2010-09-01T11:02:00.001+02:00

Esta fin de semana tedes a oportunidade de completar a vosa preparación de cara ao inminente comezo da primeira tempada na LNB-Conferencia bezouqueira.

Este sábado a partir das 17h no campo da festa de San Xoán de Piñeiro: I Aberto da Panceta e o criollo. A billa segue prendendo en Ferrolterra despois da chuvia de abertos de verán.

Todas as palanadoras e palanadores terán a súa cita no campo da festa, á procura da panceta que lamberá quen mellor lle atine.

A darñe duro!!